شارب من نيلها :(

تقول شيرين : ماشربتش من نيلها؟ طب جربت (تغنيلها)؟

ولم تلبث نانسي عجرم ان ردت عليها قائلة: شربت من نيلها وقلبي (حنيلها) وقلت (اغنيلها)

كلنا قد شرب من نيلها فمنا من شرب من النيل

ومنا من شرب من النيله

ولكن لاخلاف اننا كلنا قد شربنا من نيلها

كلنا هذا الرجل

ملاحظه*

كل الكلام اللي مكتوب هنا مش مكتوب لحد معين هو بس خطر في بالي فكتبته لاني بنساه

لما اتجوز ان شاء الله مش هاكتب هنا حاجه تاني

هايبقى الكلام كله حصريا

الأربعاء، 8 فبراير 2012

تخـــيل … !!

 

74c20f164a895b51dcdac9b95b7b6883المجلس العسكرى

تخيل يقولوا مات
ومش باقي غير جثته وحبه اشاعات
وشريط دوا في علبته
وورق التحليلات
ويقولوا ساب وصيه
مكتوبه بماء العيون
اولها كالعاده (الاخوه المواطنون)
وزي مافاتت سنه
نتخانق على محاكمته
نقضي تاني سنه
نتخانق على دفنته
ويقولوا نعمل عزا
دا شهم ياما اتأذي
وناس تقول يوم عيد
وناس تقول دا شهيد
وناس تعلق صورته
على لوحه وترفعها
وتقول عاش البطل
ياما قاسا وياما ضحى
والثوره اصلا عار
وناس تطلع تفضحها
وتمسك صورته تقطعها
وتقول بركه اهو غار
وفي وسط دي العظايم
المجلس يجتمع
ويعمل بالوصيه
ويقول فتره انتقاليه
ولازم نمدها
البلد مش مستقره
خايفين على اهلها
أي والله :D

كــلامـي :)
مـ ح مد خيري

الثلاثاء، 17 يناير 2012

القاعدة العامه للطبيخ… :D

 

images

من غير كتب ولاتلفزيون وبرامج و بطيخ
هاقولك القاعده العامه للطبيخ
بصي
هاتحتاجي مطبخ وبال رايق
وبتوجاز وانبوبه  وربنا
يستر من الحرايق
هاتحتاجي كمان حبه اطباق وحبة حلل
هاتحطي زيت وتبشري فيه بصل
وتقلبي تقليبتين
تودي البصل شمال
وترجعيه تاني يمين
لحد مايبقى لونه احمر حبه
او حسب ذوقك ممكن حبتين
وبعدين تحطي فوقه طماطم
مضروبه في الخلاط
وفلفل وملح وحبه توابل
وحبة بهارات
واول ماتغلي الخلطه

سيبيها زي ماهي ع النار

وحطي فيها اي نوع خضار
ممكن تحطي بسله او فاصوليا
او حتى بطاطس
وماتنسيش بس تدوقي

عشان لو الملح ناقص

بالتوفيقOpen-mouthed smile

الجمعة، 7 أكتوبر 2011

هو كـــذاب !!

 
314674_280273388659065_275397175813353_1073966_1372473269_n
هو كذاب
يدخل المنزل فيسلم على اهله ثم ينادي زوجته وينتحي بها جانبا هناك بمنأى عن الاولاد
ثم يقول لها ان عريسا كان قد اتاه بالامس طالبا يد ابنته للزواج وهو طلب من العريس مهلة للتفكير
ثم يسكت لحظه ليتاكد ان الفضول قد تملكها وبعدها يقول لها
لكني سالت عن اهله وعن احواله فوجدت انه لا توافق هناك بينه وبين ابنتي في المستوى العلمي والاجتماعي
فضلا عن ان امه قاسية القلب فخشيت ان تذهب ابنتي عندها فتشقيها
وينهي كلامه مع زوجته مؤكدا عليها مراراً الا تخبر ابنته ابدا
ثم يمضي الي غرفته داعيا الله ان تخبر زوجته ابنته كل حرف دار بينهما
وتجده ينظر الى ابنته وهم جالسون حول طعام الغداء متفرسا في ملامحها
هل عرفت ... ام بعد لم تدري؟؟
ويقوم بعد ان انهى طعامه متاكدا ان امها قد اخبرتها
نعم لا شك ان امها اخبرتها فقد تحاشت ابنته النظر اليه طوال الوقت
يذهب لينام قليلا حامدا الله
هو راضٍ ... فلو خُير بين ان تبيت ابنته تشكو ابيها لامها (طيب مش كنا نشوفه يمكن طيب؟)
او ان تبيت دامعة العينين ظنا منها ان قطار العمر يمر ويتركها من خلفه وردة ذابله
لو خيروه لاختار ان تكرهه وتشتكي منه ابد الدهر لكن لا ينفطر قلبها ولا تدمع عيناها ابدا
هو متاكد ان زوجها سيطرق الباب يوما من الايام
سياتي لا محاله فالله كريم
ولكن الى ان ياتي ذلك اليوم
والى ان ياتي العريس
سيبقى يكذب على امها لتطمئن ان ابنتها ليست مهمله
وسيظل يكذب على ابنته لتطمئن وتعلم انه (العرسان كتير بس بابا اللي محبكها)
سيكذب ليراها مشرقة على الدوام

هو كذاب لكنه اب شفيق♥

مـ ح مد

الأربعاء، 27 يوليو 2011

لا مؤاخذه …!!

 
 
248919_174004055992062_100001474068817_437749_2271047_n 
 

--

عايش بالطول والعرض

سعات تقيل وراسي

وواخد الدنيا جد

وسعات اكبر راسي

واتنطط زي القرد

بكره البجاحه وماليش في التناحه

سعات اخر سماحه

وسعات واخدها عند

قريبه جدا دمعتي

اجمل مافيا ضحكتي

وابسط مافيا فرحتي

واسهل ماعندي جزمتي

لو يوم يعاديني حد

ودي حاله خاصه جداً

تلاقيها عندي حصري

اصل انا لامؤاخذه مصــري

--

مـ ح مد

السبت، 9 يوليو 2011

بيــــــــــان…

 
218138_1520658676267_1828586879_886724_5985593_n
رساله من المجلس الموقر العسكري
للجميع اطياف الشعب
المسلم والمسيحي
والناشف والطري
نسعى جاهدين لارجاع الامور
لسابق عهدها
ناس فوووق وناس تحت
وناس غلابه
وناس ماحدش قدها
كما نسعى لاعاده الشرطه
لسابق مجدها
من قتل وسجن
وتظبيط قضايا وتلفيق
هذا
وبالله التوفيق…

مـ ح مد

الأربعاء، 23 مارس 2011

طباخ رومانسي….. :)

 
imaىges
يافلفل عمري وبهراته
يانبض القلب وحياته
بحبك من غير تتبيل
...كل العمر معاكي جميل
وكل ما اشوفك كدا اتسبك
...وانسى كل كلامي واتلعبك
وقلبي تكتر دقاته
يافلفل عمري وبهراته
حياتي من غيرك سلطه
فوقها تحت شمالها يمين
والدنيا من غيركورطه
والعيشه عجين في عجين
وكل ما اقرر اني اقولك
واعترفلك اني بحبك
ارجع اشوفك كدا اتسبك
وانسى كل كلامي واتلعبك
وقلبي تكتر دقاته
يافلفل عمريوبهراته

 

محمد

الجمعة، 12 نوفمبر 2010

انا وانت….

 

 

39756_109758112410580_107742652612126_66007_5587279_n

يننا حجات
مايفهمهاش الا انا وانتي
اسرح سعات وابصلك الاقيكي ابتسمتي
من غير ولا كلمه كدا ولا حرف
ولا فلسفه ولا شرح ووصف
من نظره يادوب الاقيكي  عرفتي
اجي اقولك عمري عشانك
والا اقولك قلبي مكانك
من غير لا كتابه ولا جوابات
ولا جمله اقولها ولا كلمات
من نفسك كدا الاقيكي فهمتي
مش توأم احنا ولا اخوات
بس بينا حجات
مايفهمهاش الا انا وانتي

 

محمد