بنت ناس وعنيها سودا واموره
وحبوبه ودمها ظريف
ومش رفيعه قوي ولا تخينه و كعبوره
ومش بتتعب من هوا التكييف
وبتحب الخروج والفسح وشطوره
انشالله نص نص في شغل البيت والتنضيف
وتبقى طفله وبريئه وتعرف تبقى ام
وتربي العيال وتشيل معايا الهم
ومالهاش الخناق وحرق الدم
وعاقله ولماحه ومخها نضيف
وبين الهم والهم هاحاول اسليها
وعمري ما ازعلها ولا اخليها
تزهق مني والا تشوفني تقول يالطيف
ورقيقه مش نرفوزه ولا زرزوره
وهاخنقها حب وغزل وشعر وتخريف
وتكون بتفهم وبتعرف تقدر
ولما تنام بالليل مش بتشخر
عشان العريس نومه خفيف
محمد
